حوار خاص قناة المقاومة الإيرانية مع السيدة غالية رحال ام الشهيد خالد العيسی

 

6/7/2016
 

السلام عليکم انا غالية رحال ام الشهيد خالد العيسی، خالد العيسی الذي طلع منذ بداية المظاهرات السلمية في سوريا في مدينة کفر نبل ، کان من الثائرين الأوائل و کان مستمر لاخر لحظة في الثورة لان کان ايمانه قوي کتير في القضية اللي عم بيدافع عنها عن بلدو و عن الناس اللي کانت عم بتموت بسبب الطيران السوري و الطيران الروسي و بسبب ظلم النظام عندنا في سوريا ،
 

خالد کان مؤمن جدا في القضية السورية و کان يقول لي: يا امي انا معتبر نفسي ميت من اول يوم طلعت فيه مظاهرة و راح اشتغل للناس االموجودة بس لان کل الناس اللي استشهدت ما هي احسن منا ، و اکيد بعد کل التضحيات الي راح نضحيها راح نلاقي نتيجتها ، اذا ما لقيناها نحنا رايحين الأطفال الموجودين راح يلاقو نتيجتها في الأيام اللي جاية ان شاء الله ، خالد کان يروح علی حلب کتير و کان يوثق الجرائم الموجودة هونيک و اخر مکالمة قال لي: يا امي في کتير ناس عم تنقصف و تنضرب في حلب بس ما کان فيه نسبة اعلاميين کبيرة في حلب لذلک انا بدي روح لهونيک مشان اوثق الجرائم اللي موجودة هونيک ، کانت کامرته و الصور اللي کان يصورها بتحکي کتير علی انتهاکات حقوق الانسان اللي کانت تصير في حلب ،
 اخر جملة قالي إياها بدنا الاف المصورين و الإعلاميين لحتی يغطوا الجرائم اللي عم بتصير في حلب ، ما راح انسی ابدا انو خالد کان من مؤسسي لمنظمة ال يو ار بي و کان من مؤسسي مؤسسة مزايا و اللي انا بشتغل فيها ، خالد کان عطول يقولي امي اذا کنت موجود او مو موجود بدک تابعي العمل في مؤسسة مزايا ، طبعا کان يعلمني کتير شغلات رغم انو هو ابني صحيح و انا امو ، بس کنت کتير اقتبس منه لاستمرارية المؤسسة و العمل في المجال النسائي في مدينة کفر نبل ،
کان يقلي امي اشتغلي علی أساس انو النساء مستمرات في وقت الحرب و يتعايشن مع وضع الحرب حتی في الأيام الجاية ينشیء جيل ما فيه اجرام ما فيه قتل ما فيه دمار يکون کله سلام ، کان يقولي امي اذا کنت موجود او ماني موجود استمري في شغلک و لازم تکملي شغلک و اذا کنتي موجودة او مانک موجودة انا کمان راح استمر في شغلي ، مشان هيک انا راح استمر في الشغل لان روح خالد راح تکون معي متواصلة معي حتی لو غاب جسده روحو راح تظل معي ، بصفتي مواطنة سورية أولا و امو للشهيد خالد العيسی ثانيا و اللي طلعنا من بدايات الثورة السورية و راح نظل ان شاء الله و تعالی متابعين لحتی اخر نفس فينا ، أقول للمقاومة الإيرانية: الله يقويکون يا رب اول شغلة ، ثاني شغلة تکون قضيتکون کاملة و واحدة و ايمانکم فيها قوي ، انها تکون اول شغلة لطلب الحرية و الکرامة الحرية ،
و الکرامة ثمنها غالي کتير ، ثمنها ارواحنا و أرواح أطفالنا و أرواح أولادنا و شبابنا ، راح نکون اقوی حتی لو خسرنا أرواح اغلی الناس عندنا ، راح نتابع من اجل عيون الأطفال عندنا ، راح نتابع مشان جيل قادم يکون اقوی و يکون امهر ، راح نتابع ان شاء الله و تعالی من اجل الکرامة و الحرية اللي هي مثل ما قلتلکم ثمنها غالي کتير ما هو قليل ، نحنا نعرف ثمنها کتير رغم ها الشيء راح نتابع و نثابر مشانها ، لا للطغاة لا للکفر لا للدمار لا للقتل من اجل السلام فقط نحنا راح نعيش راح نتابع راح نضحي من اجل السلام و ولا شيء غير السلام.

المصدر: قناة «سيماي آزادي» التابعة للمقاومة الايرانية